Wo budha shahar

Follow us:WhatsappFacebookTwitterTelegram.cls-1{fill:#4d4d4d;}.cls-2{fill:#fff;}Google NewsChaurahe ki fuse batti ka bekarar chand ko ghurna,
sadak ki dararoon par ghaans ka vidroh jatana,
cricket ground par berok-tok jhaad patti ka ug aana,
park me godhuli ka akele jhoola jhulna,
colony ke kolahal ka bebas chuppi se haath milana,
retired quarteroon me sunepan ka dar se nirantar ladna,
chabutare par gupshup ke bina shaam ka udaas bhaithna,
bada mushkil hota hai,kisi shahar ko dum todte huye dekhna.

Kahin kisi ki zubani suna zarur tha,
schooli kitaboon me pada bhi tha,
tv par Harsud ko bhi dekha tha,
par kabhi yun mahsoos na kiya tha.
Ab jo aankhon ke samne dekh raha tha,
shabdoon me usi ko sanjo raha tha.
Shayad sab yaadon ki tijori me hi band rah jayega,
apne nanho ko dikhane ko kuch na bach payega.

Nak naksh, rang roop, hawa pani,
alag lag rahi thi bachpan ki har ek kahani.
Pani ki wo badi si tanki,
jiske khamboo me behta hardam pani,
jahan kan lagakar hum pata lagate,
kya hai uski naye kahani.
School ke raaste wo sapat sadak,
jahan schooli teacher baste they,
chal thodi hum tez bhagate,
jab bhi us raah se gujarte they.
Eucalyptus ka wo khula sa jungle,
jahan aise phool ko dhunda karte they,
jisko thoda pani me ghiskar,
khoob jaankh banaya karte they.

Aaj bhi wahin hai,wo tanki,wo raasta aur wo khula sa jungle,
bacche nahi hai aur bachpana bhi gayab hai.
Kuch sunne ko,tez chal se chalne ko,pani se jhaak banane ko.
Ilake me ab naukri nahi, khadaan me ab munafa nahi,
retirement ke baad aage ka kuch bharosa bhi nahi.
Wo buddha khadaan,kabhi jal jata hai,jhulas jata hai,
aur bus surkhiyoon me aa jata hai.

Ladkiyaan shaadi kar kahin aur lagi hai basne,
ladke bade shahar ki aur lage hai bhagne,
jahan acchi coaching hai,naukri hai,dhan daulat ki lut hai,
gadi-bangla,girlfriend,freedom,cigret sharab ki chut hai.
Dhund li hai sabne ek chat,kisi na kisi bade shahar me,
rang birange macchis ke dibbe ke kisi ek kinare,

bus salana ek chutti rah gaye hai ilake ke khate me.


Wo budha shahar ab apne sanson ko gin raha tha,
aur main apni salana chutti me,
uski ghutan me kavya ras dhund raha tha.
About the AuthorSomen Mishra Somen Mishra is Senior Entertainment Correspondent in the Mumbai Bureau of CNN IBN. Starting with Zee Network, he has been chasing the stars, crunchin...Read Morefirst published:October 13, 2006, 18:00 ISTlast updated:October 13, 2006, 18:00 IST
window._taboola = window._taboola || [];_taboola.push({mode: 'thumbnails-mid-article',container: 'taboola-mid-article-thumbnails',placement: 'Mid Article Thumbnails',target_type: 'mix'});
let eventFire = false;
window.addEventListener('scroll', () => {
if (window.taboolaInt && !eventFire) {
setTimeout(() => {
ga('send', 'event', 'Mid Article Thumbnails', 'PV');
ga('set', 'dimension22', "Taboola Yes");
}, 4000);
eventFire = true;
}
});
 
window._taboola = window._taboola || [];_taboola.push({mode: 'thumbnails-a', container: 'taboola-below-article-thumbnails', placement: 'Below Article Thumbnails', target_type: 'mix' });Latest News